WORKSHOP ON DISASTER REDUCTION

- Zochhuana

 

April 26, 2011 (Thawhlehni) khan Mizoram Sorkar-a Disaster Management & Rehabilitation Department buatsaih, “Workshop on Disaster Reduction” Aizawl Central Hall, Venghlui-a neih takah Zemabawk Branch YMA aiawhin ka va tel ve a. Aizawl khawpui chhunga YMA Branch hrang hrang aiawhte bakah Sorkar lam a\angin Health leh Police lam aiawhte an tel a, hlawk takin nilenga hun hman a ni. He hunah hian chhiatrupna a lo thlen palha chet dan tur hrang hrang zirho leh sawiho a ni a. Dr. C.T.Chhunga, Civil Hospital, Aizawl chuan rikrum thil a lo thlena hliam tuarte \anpui dan tur tlangpui, mipuiin kan tih ve mai theih thil chi hrang hrang ngaihnawm takin a tarlang a. Chung zinga a sawi pakhat Capillary refill time a tih chu han sawifiah dawn ila, kan sawi fiah tawk zo lo mai thei e. Hliam na tak tuar, a marphu pawh awm mumal tawh lo chu a kut zung\ang hmawrah hmet ila, tlemin a tisa a lo var anga, han thlah leh ila, second 2-3 chhunga a rawn sen leh nghal loh chuan a taksa chhungah Internal Bleeding a nei tihna a ni. Hei hian a thi nge a dam tih thlengin a hril thei. He huna thuzirho buatsaihtute paper-a tarlan thil thenkhat mipui bengvar nan i lo thlir zui teh ang.
 

R e p o r t :
1. Disaster an tih chu chhiatna lo thleng thut, mihring nunna leh in leh lo leh thil hlu tam tak tichhiaa vantlang nun leh khawsak phung nasa takla tichhetu hi a ni. Kum telin chhiatna hi khawvel pumah a nasa chho zel a, India ram pawh hi kum tin chhiatna lian tham 71-150 vel thlenna ram zingah chhiar tel a ni. 

 

2. Disaster hi chi hrang hrang a awm a, khuarel chhiatna an tih deuh bikte chu Sik leh sain a thlentir te, Lirnghing, leimin leh tuikhuah sah te a ni. Mihring siam chawp chhiatna zingah kangmei hi a langsar ber a ni. Biological Disaster an tih chuan hripui leng leh eitur thianghlim lo avanga chhiatna thlengte a kawk bawk.
 

3. Chhiatna lo thleng tur hi a theih chin chinah lo inven a pawimawh hle. Entirnan - Leimin theih maina laia in sak lohte, meikawng sialte. Chutiang atana mithiam zawk rawnte a finthlak hle. 

 

4. Chhiatrupna a lo thleng thutthei a nih avangin chhanchhuaktu tur lo ruahman lawk te, inbiakpawhna tha tawk hman mai theih tura lo buatsaih te, chhanchhuahna hmanrua tul ang te, thlabar leh mangangte thlamuan dan tur te, vantlang zinga chet lak dan puan darh chungchangte uluk taka lo zir lawk hi a tulin a pawimawh tawp khawk a ni.
 

5. Chhiatna a lo thlen hian mipui an pungkhawm thuai thin a, chung zingah chuan hotu deuh bik siam thuai tur a ni. Chhiatna hmun mi nawlpuiin an tlawh loh nan hriattirna pek vat a tul a, hawkdak leh hnathawktute thliar hran vat a ngai. Mipui chu intlartir a tha, hnathawktute chet velna hmun chu mipui laka daidanna hruzen hmangin emaw siam vat a tha. Tin, mipuite hnena thil thlen dan chiang taka hriattir zung zung tur.

6. Mizoram Police te hi chhiatrup thlen thulha che vat thei tura training pek vek an ni a, State Disaster Response Force an tihte chu mi 76 a bik taka Training pek an ni.Chhiat tawhna hmuna thleng hmasa tur deuh bik an ni.
 

7. State Rapid Action Force an awm bawk a, Dan leh thupek kengkawhtu mi 33 an ni. Anni hian chhiatna a lo thlen veleh mipui thunun lam hna an thawk ang. Mipui lam pawhin thuawih taka lo dawnsawn tur a ni.
 

8. Police ho zingah pawh inbiakpawhna lam buaipuitu pawl an awm ve leh a, Reliable Communication System enkawl tur biak ruat an ni.
 

9. Police chi dang kang thelh pawl an awm bawk a, kang thelhtute’n awmze nei taka hna an thawh theih nan mipui lamin an dipdal loh nan inzirtir a pawimawh hle bawk.
 

10. India ram leh USA hi khawvela chhiatna thlen tamna ram a nih ve ve laiin India ramah hian mipui tawrhna a nasa bik hle a, India ram chuan USA angin inbuatsaihna tha tawk a neih ve loh vang a ni. Sorkar laipui chuan India rama Para Military Force atangin Battalion 9 zet Disaster lam buaipui tur a ruat thar a. Mizoram chu Guwahati-a BSF Battalion pakhatin min vil a ni. Hmanrua pawh an nei tha a, Battalion khatah hian mihring 1158 lai awmin Doctor, Engineer, Paramedics, Technician, Electrician leh Dog Squad te pawh a awm thlap a, hmanraw changkang ber ber an nei sa diam bawk.

 

(Note YMA Eng Ni 30.4.2011 chhuak atanga lak chhuah a ni)