ZEMABAWK KHAWCHHUNGA KOHHRAN HRANG HRANG TE

(Source : YMA Eng)

TUNKAR CHANCHINTHAR ( 12.11.20110

# Zemabawk North Branch KTP te chu Vaphai Branch tlawh turin ni 10.11.2011(ningani) khan an zin chhuak, member 100 vel lai an kal thei a ni. He hunah hian KTP nena hun hmanho mai bakah Mizo hmunhlui hrang hrang te an tlawh nghal dawn a ni

# Boxing a naupang te talent haichhuahna Catch them Young chu nimin ni 12 November zingkar khan a
hawnna YMA In Zemabawk North ah neih a ni a, Inkhawm hi Zemabawk G&SA President Tv. MS Dawngliana’n a kaihruai. Catch them Young hi Pu Rotluanga Fanai Vice President, Mizoram State Sport
Council (MSSC) chuan a hawng a, he hun hi Boxing Association (MISBA) leh Sport Council lama hotu ten an rawn Tawiawm bawk a ni. Tunah hian zirlai 60 vel an awm mek a ni.

# Zuangtuia 132KV Sub station chu siam anih dawn avangin tukin zing dar 9 atanga tlai dar 3 chhung hian kawlphetha a awm lovang. Hemi avang hian Aizawl chhuah leh hmar lam bakah Saitual, Khawzawl, Champhai leh Serchhip tlangdung ten eng an nei dawn lo a ni.

# Tunkar atang khan kan veng kawng chu siamthat mek a ni a

# Tunkar zirtawp ni khan Assam Police in Mizo an sawisa a, an zingah hian Sepoy Lalhmingmawia. kum 24. S/o. Lalthanmawia, (P/S Zirtirtu) Zemabawk, Industry Sqrs veng chu hliam tuarin Damdawi Inah dah anih hnuah Aizawl lamah phurh chhoh a ni.


# Ni 7 November 2011 (Thawhlehni) khan Zemabawk North Br. YMA chuan Thlanmual tifai leh Pillar phunin an hnatlang.

# Tunkar chhungin Zemabawk Field a rak hle, RIPAN leh Local Tournament a awm.

VAWIIN CHANCHINTHAR

# Zemabawk North atanga Branch palai kalte : Pu Emanuel HT Khuma, Pu Lalthanpuia Khawlhring, Pu Denghmingliana, Pu R.Lalbiakthanga leh Nl. Lalhriatpuii te an ni.

# CRPF Civic Action programme hnuaiah Tv.C.Lalrinnunga, CRPF Civic Action Programme 2011 Co-ordinator thahnem ngaihna avangin Zemabawk leh Zemabawk North Br. YMA chuan Drum sets leh Guiters an Headquarters ah an dawng dawn a. Primary School zawng zawng ten First Aid Box leh Middle School zawng zawng ten Lehkhabu tha tak tak an dawng dawn bawk a ni. He hun hi Pu PC Thanliana, MOS, Social Welfare Deptt. chuan a rawn hmanpui dawn a ni.

# Tunlai hian Zemabawk Field chu JCB hmanga siamthat mek a ni.



#  Tlangveng, Pu R. Vanlalrova leh tlang pan chhohna inkar chu Metal tura hmalak mek a ni.
(Source : CHHUAHTLANG 30.10.201)

ZEMABAWK ROBAWM

 

Field siam that mek

 

Date 8.10.2011 Zemabawk Bazar

CHANCHINTHAR

Bazar
Tukin zing Bazarah Bawng 7 leh Vawk 27 ser a ni a, Sangha dawhkan 3 leh Ar dawhkan 3 a awm bawk. Khua a tha a, Bazar kal pawh an thahnem. Electronics leh Secondhand a tam zual.

... Mitthi
Tv. Lalrindika (19) S/o Pu Vanlalhmuaka, Bung Bangla, Zampuimanga Section-a awm chu ni 2.10.2011 (Pathianni) tlai dar 3:30 khan pumna thut avangin a thi a, a
ruang hi tlaivarpui hnuah a tuk ni 3.10.2011 (Thawhtanni) khan Bung Bangla thlanmualah vuiliam a ni. Presbyterian bialtu Pastor, Rev. Dr. P.B.Lalmalsawma’n a vui. Tv. Lalrindika hi Zampuimanga Section YMA Asst. Secretary ni lai a ni.

Line phumna lai mek
Pathianni kalta atang khan Telecom (BSNL)-in Boardband pipeline phumna tur Kawn Veng-I atanga TB Hospital panna kawngpui sirah an lai a, an laih zawh hmasak apiangah pipeline an phum nghal. Hetih lai hian kawngpui tha lai laih chhiat ngawt hian ngaimawh a hlawh hle a, PWD lam nen agreement mumal tak neia an insawi laiin Local Counci l lamah mumal taka inhriattirna a awm lo niin sawi a awm.

Photo Exhibition
October 10-14, 2011 chhung hian Directorate of Advertising and Visual Publicity buatsaihin Zemabawk YMA Hall-ah Photo Exhibition neih a ni dawn ta a, Exhibition
hmanna tur hian Hall pawh chei mek a ni a, hmun zau tak erawh a luah dawn lo.

Kawng sam fai
October 5, 2011(Nilaini) khan Govt. Middle School Zirtirtu leh zirlaite chuan Faina Hapta denchhenin thlanmual No. 1 kawng dung leh M/S veng panna kawngpui
sir sam faiin an hnatlang.

Dam lo
Section YMA hruaitute hnen atanga dam lo report dawnte :-
1. Pi Muanpuii D/o Thanchungnungi, Thingkhim Veng, Khuangchera Section. Durtlang Hospital-a enkawl mek.
2. Pu K.Zapa H/o Lalrimawii, Venglai, Vanapa Section.

Presbyterian kohhran
October 6-9, 2011 chhungin Mizoram Synod hnuaia inkhawmpui rorelna sang ber Presbytery chu Mizoram chhunga Presbytery 34 leh ram pawn hmun 5-ah neih a ni. Zemabawk telna Aizawl Hmar Presbytery pawh Bawngkawn Chhim Veng Kohhran Biak inah hman mek niin Pathianni zan thleng a awh ang. Nimin lam rorel inkhawm chuan nakkum Presbytery thleng turin Falkland Kohhran a ruat a, Mod...erator atan Upa R.Thangchhunga, Zembawk a ruat bawk. Vawiin lamah rorel hi chhunzawm zel a ni ang.
 

Seventh Day Adventist
October 14-16, 2011 chhung hian bial thar Aizawl East chuan Daniel Pawl Inkhawmpui Khawruhlian Kohhran Biak In-ah an hmang dawn a, Zemabawk a\ang pawhin member \hahnem tak kal turin an inbuatsaih mek.
Mizoram UPC PYD General Conference Jubilee Souvenir an buatsaih YMA Library-a pek an tum chu rokhawlhna engemaw avangin an la pe lut thei lova, a rang thei ang bera pek luh an tum.
 

UPC North East
October 7-9, 2011 chhung hian NEI LAD General Conference vawi 43-na Durtlang MC Hall-ah an hmang mek. NEI LAD-ah hian Pi Zaithangliani, Zemabawk North chu General Secretary a ni mek. Zemabawk a\angin Palai \hahnem tak an kal.
 

Salvation Army
Tun Pathianni hi Self Daniel kum tina an lakkhawm hun a ni a, Maj. Biakliana D.S. in a rawn hmanpui dawn. Nimin tlai dar 4 a\anga vawin dar 10 thleng Prayer Ministry te chaw ngheiin an \awng\ai.

 

BRANCH YMA HUAMCHHUNGA VAI HNATHAWK AWM TE KOHKHAWM AN NI

Zemabawk 28th May, 2011 : Branch Executive Committee-in a rel  ni 22, Pathianni tlai khan YMA Hall-ah Branch YMA huamchhunga Vai Mistiri leh Helper awm te kohkhawm an ni a, Central YMA-in rate thar a tuk
sak Mistiri ` 300/- leh Helper ` 150/- nikhata hlawh turin an thawh theihthu hrilhhriat thar leh an ni a, hei bakah ILP nei lo te pawh enfiah nghal niin He hun hi Branch President Pu H.Lalzuala’n a kaihruai a, Branch Committee member te pawh an kal \ha hle a, tin, vai kohkhawm te pawhin an ngaipawimawh hle a, mi 80 chuang zet an kal a ni.

Harsatna engmah sawi lova kal lo ringawt mi tlem te an awm a, an chungchang hi Branch Committee-a la ngaihtuah tura dah hrih a ni. Branch hruaitu leh member atangin thusawi tha tak tak ngaihthlak a ni a, he huna lo kal hnam dang unau vai kan tih te pawhin Central YMA-in an nikhat hlawh tur a bituk sakah lungawilohna an neih loh thu leh thuawihtaka an zawm theih thu an sawi a ni.

Tunah hian Karimganj leh Silchar velah pawh nikhatah Mistiri ten Rs. 180/- leh helper te hian Rs. 120/- an hlawh mek a ni. Hriat theih chinah Branch YMA huamchhungah vai hnathawk mi 128 zet an awm niin a lang a, Zokhawsang rama vai hnathawk te hi Sipai lam chhawrlai an nih avangin an dinhmun dik tak hi hriat theih a ni lo.

Hetiang hi Section tina vai awm dan chu a ni :  

Section                          Vai
Aihniara                          3
Awithangpa                    20
Hrawva                          9
JF Laldailova                 3
Kamlala                         8
Khuangchera                  43
Neuva                            Nil
Rokunga                         7
Vanapa                          3
Vankhama                      Nil
Zampuimanga                   32
Total                               128

News feed by Amuana

AR-AWN MAN

Ni 17.5.2011(Tue) khan Zokhaw-sang rama Pi Lawmchhungi W/o R.Mangkhuma bahkhawr hmunah Zemabawk Vengthar nu pathum - Pi Lawmchhungi w/o R.Mang-khuma, Pi Nghawrzauvi w/o P.C.Thang-dailova, Pi Saivangi w/o Chalthangvunga leh Pi Lalnghing-lovi D/o Thangzova (L), Zokhawsang Veng te chuan Arawn puitling bahkhawr hmuna lo tla chu an man a, in an rawn thlenpui hnuah Aizawl Zoo-a dah turin Forest Department hotute kutah an hlan a ni.

He arawn hi thlambul ah chaw a rawn tlan thin a, chumi chu an man ta ni awm tak a ni. Tin, he arawn hi a damsamlo deuh niin an sawi bawk.

Zokhawsang ram hi tunhma Zokhua thin a ni a, Kristian hmasa awm khawmna a ni a, Sihphir lal Rohrenga khua a ni. Zokhawsang ramah hian sa a la awm nual a, zawng rual lian ve tak tak chi pawh hmuh tur a la awm a, sakei hniak pawh hmuh tur a awm zauh zauh niin an sawi.

Hetia arawn an man thuneitute hnena an hlan takah chuan, ka hriat chinah pawh Zemabawk atang hian miin a note an man/lak an khawi dam sanghar,saphai,sihal,keite/kelral etc tam tak chu thuneituten him dam taka an enkawl tura lo pe thin hi an awm ve nual tih te hi sawi ka chak

Kan sawi duh chu, kha Kawlhawk 1 thah anih avanga a khaw pum anga nasa taka mi in sawt luai luai lai khan a hma leh a hnu lamah pawh nungcha a taka humhalh tu hi he vengah ngei hian an lo kat ve nuk a ni. Kan thil tih thatloh leh mualphona avanga kan in rel phar lek lek a kan in thehdarh sak vak vak lai hian kan thil tih thatte hi inpuanzar sak thiam thin bawk ila mihringah a tha lamin nghawng a neih thui ka ring zawk bawk.

He arawn hi an chhuah mai lo kha a van lawmawm em. He arawn hi manipur lam atanga lak a ni a, tuirial ah khawi a ni. Arawn hi a chhuak hlauh a, zokhawsang ramah man a ni. Vety doctor an lo pe a, E&F lamah pek an ni. He arawn ang chiah hi sahuan ah a lo awm a, a pa a lo ni nge2 a, an inthlah pung thei dawn ta a, a lomom zual e.

Hetiang arawn hiBurmese Peafowl a, natural forest ah chuan 1000 pawh an awm tawh lova hriat a ni. Hetianga endangered species te tihlum mai lova thuneitute hriattir nachang an hria hi chawimawi tlak an ni. Mizoram forest ah phei chuan hmuh tur an awm tawh lova, sahuanah pakhat a awmsa a, tunah chuan pahnih kan neita a ni.

Posted by Rammuana at Lawrkhawm.com with some comments