Bazar
Tukin zing Bazarah Bawng 6 leh Vawk 23 ser a ni a, Sangha dawhkan 4 leh Ar dawkan 3 a awm bawk. Bazarah mi an thahnem a, thlai thar a tam tan hle bawk. Antam tel a la tlawm thei lo deuh.
Mitthi
Pu Liandawla Kum 51 H/o Pi Laldingpuii, Vankhama Section, Galilee Veng chu ni 23 April, 2011 chhun dar 11:45 khan Cancer avangin a boral a, a ruang hi tlaivarpui hnuah a tuk ni 24.4.2011 khan Thlanmual No. 1-ah vuiliam a ni. Salvation Army C.O. Maj. C.Thanhranga’n a vui.
Pu Thangzuala, Kum 76 H/o Sainemi, Kamlala Section, Lamlian venga awm chu hun rei tak Cancer natna avanga a dam loh hnuin ni 28.4.2011 tlai dar 6:00 khan a boral a, a ruang hi tlaivarpui hnuah a tuk ni 29.4.2011 khan Thlanmual No.1-ah vuiliam a ni. Presbyterian Kohhran Bialtu Pastor, Rev. Dr. P.B.Lalmalsawma’n a vui.
Pu C.Lalmawia,Kum 73, H/o Lalrinmawii, Neuva Section, Berawlui Bethany Colony-a awm chu ni 28.4.2011 tlai dar4:15 khan lungphuchawlin a boral a. A ruang hi tlaivarpui hnuah nimin 29.4.2011 chawhnu dar 2:00 Zarkawt thlanmualah vuiliam a ni. Zemabawk Presbyterian Kohhran Bialtu Pastor, Rev. Dr. P.B.Lal-malsawma’n a vui.
MUP
MUP Aizawl North-I te chuan vawiin hian Zemabawk YMA Hall-ah lengkhawm zaiin an intihsiak dawn.
KTP Din champha
May 3, 2011 (Thawhlehni) hi Zemabawk Branch KTP din champha vawi 55-na a ni a, Zemabawk Branch KTP chuan a lawmna variety programme zan lamah an hmang dawn.Tin, May 7, 2011-ah KTP din champha pual hian thisen an pe bawk dawn.
May 3, 2011 (Thawhlehni) hi Zemabawk Branch KTP din champha vawi 55-na a ni a, Zemabawk Branch KTP chuan a lawmna variety programme zan lamah an hmang dawn.Tin, May 7, 2011-ah KTP din champha pual hian thisen an pe bawk dawn.
No comments:
Post a Comment